ADMINISTRAZIO-BALDINTZA ZEHATZEN AGIRIA

ADMINISTRAZIO-BALDINTZA ZEHATZEN AGIRIA OBRAK ENKANTE IREKI BIDEZ KONTRATATZEA INGENIERIA ASMATU-K EGINIKO PROIEKTUAREN ARABERA BIDEGORRIA EXEKUTATZEKO

I.- KONTRATUAREN EDUKIA

1. KONTRATUAREN GAIA

Agiri honetan oin harturik egingo den kontratuaren gaia hau da: OBRAK ENKANTE IREKI BIDEZ KONTRATATZEA INGENIERIA ASMATU-K EGINIKO PROIEKTUAREN ARABERA BIDEGORRIA EXEKUTATZEKO, PIC URBAN II Donostia-Pasaia esparruan garatzeko 1 Neurriaren 1 Ardatzaren barruan.

Kontratua baldintza-agiri honetan oinarritzen da eta espedientean azaltzen den dokumentazio teknikoarekin bat etorriz egingo da. Baldintza-agiri honek kontratu-balioa du.

Kontratuaren gaiaren kodea, CPA-2002 nomenklaturaren arabera: 45.23.12

2. OBRAK BURUTZEKO EPEA

Kontratu honen helburu diren obrak burutzeko epea hau da: 2,5 hilabete.

Zuinketa-akta izenpetu eta hurrengo egunetik hasiko da kontatzen epe hori.

Obrak epe horretan amaitzen ez badira, esleipendunak berandutzeagatiko erantzukizunei aurre egin beharko die, nahiz eta Administrazioak aurretik ez ohartarazi.

3. KONTRATUAREN PREZIOA

Kontratuaren prezioa 382.068,11 € izango da, BEZ barne. Lehiatzaileek diru-kopuru hori hobetu dezakete.

4. FINANTZATZEA

Proiektu hori aldi berean Europa Batuko Eskualde Garapenerako Europar Fondoak ere finantzatua izango da, PIC URBAN II Donostia-Pasaia planaren bidez.

Kontratuaren gainerako prezioa ordaintzeko behar beste diru jarri da aurtengo ekitaldiko aurrekontuan.

5. NOLA ORDAINDU

Obra burutuak aldizka ordainduko dira, egiaztagiriak egindakoan. Obren zuzendariak egingo ditu egiaztagiri horiek.

6. PREZIOAK BERRAZTERTZEA

Kontratu honetan ez da bidezkoa prezioak berraztertzea, espedientean egiaztatzen denez.

7. BERMEAK

Lehiatzaileek behin-behineko bermea jarri behar dute lehiaketa honetan parte hartzeko. Berme horren zenbatekoa kontratuaren aurrekontuaren %2 izango da, hau da, 7.641,36 €. Esleipen-proposamena egin eta gero, diru-kopuru hori itzuli egingo da. Nolanahi ere, behin-behineko bermea gorde egingo da harik eta esleipena hartzeko proposatuta dagoen enpresariari esleipena emateko erabakia hartu arte, eta Herri Administrazioen Kontratuei buruzko Legearen Testu Bateginaren 35.3 artikuluan aipatutako kasuetan ere behin-behineko bermea atxiki egingo da.

Lehiatzaile guztien proposamenek kontratua esleitu arte iraungo dutela eta esleipendunaren proposamenak kontratua formalizatu arte iraungo duela ziurtatzeko eskatzen da behin-behineko bermea. Izan ere, berme hori inkautatu egingo da baldin eta kontratua esleitu aurretik enpresaren batek bere proposamena bertan behera uzten badu bidezko arrazoirik gabe, edo kontratua esleitu eta gero esleipendunak behin betiko bermerik jartzen ez badu, edo beraren erruagatik kontratua epean formalizatzerik ez badago. Horrelakoetan bermea betearaziko da.

Hori dela eta, enpresa baten eskaintzari ausartegia iritzita enpresa horri informazioa eskatzen bazaio eta berak erantzuten ez badu, proposamena bidezko arrazoirik gabe bertan behera utzi duela uste izango da, eta era berean, lehiatzaileren batek proposamen akastuna edo oinarririk gabekoa aurkeztu duela eta ezin lezakeela bete aitortzen badu, gauza bera uste izango da.

Kontratuaren esleipendunak, bere gain hartutako beharrak beteko dituela bermatzeko, behin betiko bermea jarri behar du. Berme horren zenbatekoa esleipenaren zenbatekoaren edo, egoki denean, enkantearen oinarrizko aurrekontuaren %4 izango da, hau da, 15.282,72 €. Nolanahi ere, esleipena lortu duen enpresariaren proposamena, hasiera batean, ausarkeria-ustearen menpe egon bada, behin betiko bermearen zenbatekoa kontratuaren prezioaren edo enkantearen oinarrizko aurrekontuaren %20 izango da, Herri Administrazioen Kontratuei buruzko Legearen Testu Bateginaren 36.4 artikuluan ezarritakoarekin bat etorriz.

Berme hori jartzeko epea egutegiko hamabost egunekoa izango da, kontratuaren esleipena jakinarazi eta biharamunetik hasita. Bermea jartzeko bidea, berriz, Herri Administrazioen Kontratuei buruzko Legearen Testu Bateginaren 35.1 artikuluan azaltzen direnetatik edozein izan daiteke.

Berme-epea amaitzen denean, esleipendunari bermea itzuliko zaio, osorik edo, bidezkoa bada, zati batean, baldin eta kontratuko betebehar guztiak beterik badaude. Itzulketa hori goian aipatutako testu bateginaren 47. artikuluan xedatutakoarekin bat etorriz egingo da.

8. KONTRATUA BURUTZEA

Zuinketa-akta izenpetzearekin batera hasiko da obra-kontratuaren burutzapena, eta hori egutegiko hamabost eguneko epean izan beharko da, kontratuaren esleipenaren jakinarazpena jasotzen den egunetik kontatzen hasita.

Kontratua esleipendunaren gain eta kontura burutuko da, eta esleipendunak ez du kalte-ordainik jasotzeko eskubiderik izango obretan galera, matxura edo kalteak izaten baditu, Herri Administrazioen Kontratuei buruzko Legearen 144. artikuluan adierazitako ezinbesteko kasuetan izan ezik.

Horiek gorabehera, obrak egiterakoan honako hauek bete beharko dira: a) agiri honetan ezarritako baldintzak; b) baldintza-agiriarekin batera dauden xehetasun teknikoak, eta c) Herri Administrazioen Kontratuei buruzko Legearen Testu Bateginean ezarritakoak eta lege hori garatzeko urriaren 12ko 1.098/2001 Errege Dekretuaren bidez onetsi zen Araudi Orokorrean ezarritakoak. Bereziki, kontratuko obrak Administrazioaren zuzendaritza, ikuskapen eta kontrolaren pean burutuko dira, eta Administrazioak idatziz nahiz ahoz erabili ahal izango ditu ahalmen horiek.

Esleipendunari edo haren agindupekoei egotz dakiekeen egite edo ez-egiteren baten ondorioz, Administrazioak uste izaten badu kontratua burutzeko obrek behar bezala aurrera egitea kolokan dagoela, kontratua behar bezala burutu dadin beharrezkotzat jotzen dituen neurriak har daitezela agindu ahal izango du.

9. ESLEIPENDUNAREN LAN-EGINKIZUNAK

Kontratu honen xede diren obretan kontratatutako langileei dagokienez, esleipendunak lanaren, Gizarte Segurantzaren eta laneko segurtasun eta higienearen arloan indarrean dauden legezko xedapenak bete behar ditu. Administrazioak ez du inolako erantzukizunik izango xedapen horiek betetzen ez badira.

10. ESLEIPENDUNAREN ERANTZUKIZUNA KONTRATUA BURUTZERAKOAN BESTE BATZUEI KALTEAK ERAGITEN BADIZKIE

Obrak burutzen diren bitartean, esleipendunaren ardura da edozein pertsona, jabetza edo zerbitzu publiko edo pribaturi egindako kalteak eta galerak bere gain hartzea, baldin eta bere agindupean dauden langileen egitez, ez-egitez nahiz zabarkeriaz, edo obrak behar bezala ez antolatu, babestu edo seinaleztatzeagatik gertatzen badira.

11. KONTRATUA ALDATZEA

Herri-onurako arrazoiak direla eta, Administrazioak kontratua aldatzea izango du, behar berriak edo ustegabeko arrazoiak sortzen direnean. Esleipendunak ez du inolako kalte-ordainik jasotzeko eskubiderik izango, Herri Administrazioen Kontratuei buruzko Legearen Testu Bateginaren 149.e artikuluan ezarritakoaren kalterik gabe.

Kontratua aldatzerakoan obra-unitate berriak sartu behar badira kontratuan, unitate horien prezioak kontratazio-organoak zehaztuko ditu. Esleipendunak ez baditu prezio horiek onartzen, unitate berri horiek beste enpresa batekin prezio beretan kontratatzeko edo zuzenean burutzeko eskubidea dauka kontratazio-organoak.

12. OBRAK HARTZEA ETA BERME-EPEA

Obrak amaitu eta, gehienez, hilabete pasa baino lehen, obrak esleitzailearen esku utziko dira eta egintza horren akta egingo da.

Gainera,3 hilabeteko berme-epea egongo da, harrera formalaren egunetik hasita zenbatu beharrekoa, Herri Administrazioen Kontratuei buruzko Legean eta lege horren Araudi Orokorrean adierazitako ondorioetarako.

Nolanahi ere, esleipendunak kontratua bete ez eta eraikuntzak ezkutuko akatsak izateagatik obra berme-epetik kanpo hondatzen bada, esleipendunak kalte eta galerei aurre egiteko erantzukizuna izango du hamabost urtean, obrak esleitzailearen esku utzi zirenetik kontatzen hasita. Epe hori amaitutakoan, bestelako kalte edo galerarik ez bada izan, esleipendunaren erantzukizuna amaitutzat joko da.

13. ESLEIPENDUNARI EZARRI BEHARREKO ZIGORRAK BALDINTZAK BETETZEN EZ BADITU

A) KONTRATUA BURUTZEKO EPEAK DIRELA ETA

Esleipendunak, bere erruagatik, kontratua burutzeko epe osoa edo epe partzialak igarotakoan burutu gabe baditu epe horietan egin beharreko obrak, Administrazioak bi aukera izango ditu: kontratua bertan behera utzi eta bermea bereganatzea, edo obrak burutu arte igarotzen den egun bakoitzeko diru-zigorra ezartzea: egunean 0,12 euro kontratuaren prezioaren 601,01 euroko.

Atzerapenagatiko zigorren guztizko zenbatekoak kontratuaren prezioaren 100eko 5aren multiploren bat jotzen duen bakoitzean, kontratazio-organoak aukera izango du kontratua bertan behera uzteko edo zigor gehiago ezarri eta burutzapenean aurrera egin dadila erabakitzeko.

B) PRESTAZIOEN BURUTZAPEN PARTZIALA DELA ETA

Esleipendunak, bere erruagatik, kontratuko prestazioen burutzapen partziala epean bukatzen ez badu, Administrazioak bi aukera izango ditu: kontratua bertan behera uztea edo kontratuaren prezio osoaren 100eko 10eko diru-zigorra ezartzea.

14. KONTRATUA AMAITZEKO ARRAZOIAK

Kontratua amaitzeko arrazoiak Herri Administrazioen Kontratuei buruzko Legearen Testu Bateginaren 111 eta 149. artikuluetan azaltzen direnak izango dira.

15. ADMINISTRAZIOAREN ESKUBIDEAK

Administrazioari dagokio a) kontratua interpretatzea, b) kontratuan sor daitezkeen zalantzak ebaztea, c) herri-onurako arrazoiengatik kontratua aldatzea, d) kontratuari amaiera ematea eta amaiera horren ondorioak zehaztea, Herri Administrazioen Kontratuei buruzko Legearen Testu Bateginean eta haren Araudi Orokorrean ezarritako muga, baldintza eta ondorioei eutsiz.

II.- KONTRATATZEKO JARDUNBIDEA

16. ESLEIPENA EGITEKO BIDEA ETA MODUA

Kontratu honen esleipena prozedura ireki arruntaren bidez egingo da, enkante modua erabiliz eta, beraz, preziorik merkeena eskaintzen duen lehiatzaileari esleitu beharko zaio, betiere ordea, agiri honetako 20. baldintzan aipatzen diren salbuespenak kontuan izanik.

17. KONTRATATZEKO GAITASUNA ETA KAUDIMENA

Zuzenbidezko eta jarduteko gaitasun osoa duten pertsona fisiko zein juridikoek parte hartu ahal izango dute kontratazio-jardunbide horretan, betiere beren kaudimen ekonomikoa, finantzazkoa eta tekniko edo profesionala egiaztatua izanik, eta, Herri Administrazioen Kontratuei buruzko Legearen Testu Bateginaren 20. artikuluan finkatutakoaren arabera, kontratatzeko inolako debekurik ez badute, eta xehetasun hori HAKLTBko 21.5 artikuluan xedatutako edozein eratan kreditatu ahal izanik. Kaudimena, 18. klausulan ezarritako edozein medioren ildotik egiaztatu eta ebaluatu ahal izango da.

Europako Elkarteko Estatu kide izanik espainiarrak ez diren enpresek, HAKLaren Arautegi Orokorreko I eranskinean seinalatzen diren erregistro profesional edo komertzialetarikoren batean inskribaturik izatearen ziurtagiriaren bidez egiaztatu beharko dute beren jarduera-ahalmena.

Pertsona fisiko edo juridikoek beren kabuz edo baimendutako ordezkarien bitartez kontratatu ahal izango dute. Ordezkariek kontratatuz gero, berariaz emandako ahalorde askietsia erabili beharko dute. Pertsona juridiko baten ordez bertako kideren bat azaltzen denean, ordezkari izateko ahalmena duela frogatu beharko du agiri bidez. Bi kasuetan ere, kontratatzeko gaitasunik eza dakarten arrazoiak, gorago aipatutakoak, ordezkariari ere aplikatu behar zaizkio.

18. PROPOSAMENAK AURKEZTEA

Kontratazio honen espedientea, bai eta horrekin batera doan dokumentazio teknikoa ere, honako lekuan, ordutegian eta epean aztertu ahal izango da:

LEKUA: hirigintza bulegoan

ORDUAK: 9:00 tatik 13:30tara

EPEA: Egun baliodunetan, lehiaketa honen iragarkia Gipuzkoako Aldizkari Ofizialean argitaratu eta hurrengo egunetik hasi eta proposamenak aurkezteko epea bukatu arte.

Proposamenak aurretik adierazitako lekuan eta ordutegian aurkeztuko dira, egutegiko 26 egunetako epean, iragarki hori argitaratu eta hurrengo egunetik kontatzen hasita.

Ez dira onartuko epe horretatik kanpo aurkezten diren proposamenak, nahiz eta postetxean epea amaitu baino lehen bidali. Dena dela, proposamena onartu egingo da baldin eta epe barruan bidali zela egiaztatzen bada. Horretarako, lehiatzaileak, proposamena bidaltzen duen egunean bertan, posta-egiaztagiria bidali beharko dio kontratazio-organoari telekopiaz, faxez, telegramaz edo posta elektronikoz. Posta elektronikoz bidatzen badu, baliozkoa izan dadin, Herri Administrazioen Kontratuei buruzko Araudi Orokorraren 80.4 artikuluan ezarritakoa bete beharko du.

Lehiatzaileek bi kartazal (A eta B) aurkeztu beharko dituzte itxita. Kartazal bakoitzean honako hau idatziko da: “INGENIERIA ASMATU-K EGINIKO PROIEKTUAREN ARABERA BIDEGORRIA EXEKUTATZEKO KONTRATAZIOAN ENKANTE IREKI BIDEZ PARTE HARTZEKO PROPOSAMENA”

Kartazal bakoitzean enpresaren izena eta proposamen-izenpetzailearen izen-abizenak jarriko dira, noren izenean izenpetzen duen zehaztuz. Bi kartazalek ere izenpetuta egon beharko dute.

“A” kartazalaren azpititulua hau izango da: “KONTRATATZEKO GAITASUNA ETA KAUDIMENA”. Hona hemen “A” kartazalean aurkeztu beharreko agiriak:

a) Lehiatzailearen edo haren ordezkariaren nortasun-agiriaren fotokopia, eta horrez gain, beste pertsona edo erakunde baten izenean badihardu, notario-ahalordea.

b) Lehiatzailea pertsona juridikoa izanez gero, eratze- edo aldaketa-eskritura aurkeztuko du, behar bezala inskribaturik Merkataritza Erregistroan eta identifikazio fiskaleko zenbakian, inskripzioa derrigorrezkoa baldin badu, aplikatu behar zaion merkataritzako legeriaren arabera. Hala ez bada, eraketaren, estatutuen edo fundazio-egintzaren eskritura edo agiria aurkeztuko du jarduteko gaitasuna duela frogatzeko. Agiri hori erregistro ofizial egokian inskribaturik egongo da, hala behar denean, eta bertan agertuko dira lehiatzailearen jarduera zuzentzen duten arauak. Enpresariak espainiarrak ez badira baina bai Europako Erkidegokoak, lanbide- edo merkataritza-erregistroko inskripzioaren egiaztagiria aurkeztu beharko dute, beren estatuko legeriak inskribatu beharra ezartzen baldin badie.

c) Lehiatzaileak erantzukizunpeko berariazko aitorpena aurkeztu behar du, Herri Administrazioen Kontratuei buruzko Legearen Testu Bateginaren 20. artikuluan kontratatzeko ezarritako debekuetatik bat bera ere ez duela agertzeko. Aitorpen horretan berariaz adieraziko du kitaturik dituela zerga-betebeharrak eta Gizarte Segurantzarekikoak, indarrean dauden xedapenek ezarritakoak; edo, hala egiten ez badu, egiaztagiriak aurkeztuko ditu, betebehar horiek beterik dituela frogatzeko.

d) Ekonomi Jardueren gaineko Zergan, kontratuaren gaiari dagokion epigrafean hain zuzen ere, alta eman diotela frogatzeko, lehiatzaileak alta-agiria aurkeztuko du, uneko ekitaldian bertan hartua badu, edo EJZren azken ordainagiria, gainerako kasuetan. Beti ere, zerga horren matrikulan bajarik hartu ez izanaren erantzukizunpeko adierazpena erantsiko du.

e) Lehiatzaileak : C Kategoria, A Taldea ,1 Azpitaldea

D Kategoria, G Taldea ,4 Azpitaldea

C Kategoria, G Taldea ,5 Azpitaldea

C Kategoria, G Taldea ,6 Azpitaldea

Obrak kontratatzeko gaitasuna ematen dion sailkapena duela egiaztatzen duen agiria.

GAITASUNA EGIAZTATZEKO, aurrekoaz gainera, kontratu hau burutzeko kaudimena eta gaitasuna dituzten enpresak zein diren zehazterakoan irizpide hauek erabiliko dira :

- Gaitasun ekonomikoa frogatzeko hori adierazten duen finantza entitate baten txostena edo arrisku profesionalengandik kalte ordanei aurre egiteko aseguru bat edukitzearen egiaztagiria nahikoa izango da.

- Gaitasun teknikoa frogatzeko, lanak aurrera eman behar duen empresariaren eta enpresaren zuzendaritza eramaten duten titulazioa ,bereziki kontratuaren exekuzioaren ardura dutenena.

- Azken hiru urtetan egin dituen lanen zerrenda.

f) Hainbat enpresak lehiaketara jotzen badute aldi baterako enpresa-batasuna eratuz, taldekide bakoitzak bere gaitasuna eta kaudimena frogatu beharko ditu aurreko puntuetan ezarritakoaren arabera. Esleipena lortuz gero AEB formala eratzeko konpromisoa agertu beharko dute enpresa guztiek. Bestaldetik, aldi baterako enpresa-batasuneko kide bakoitzak kontratuaren zein zati egingo lukeen adierazi beharko dute proposamenean, kide bakoitzaren kaudimen-baldintzak zehaztu eta egiaztatu ahal izateko.

g) Atzerriko enpresak badira, Espainiako epaitegi edo auzitegien menpe jarriko direla adierazi beharko dute, kontratuarekin zuzen edo zeharka zerikusia duten gorabehera guztietarako, eta, hala egokituz gero, lehiatzaileari legokiokeen atzerriko jurisdikzioari uko egingo lioketela.

h) Behin-behineko bermea jarri dela egiaztatzeko agiria.

“B” kartazalaren azpititulua hau izango da: “DIRU-PROPOSAMENA”. Bertan aurkeztu beharreko proposamena honako eredu honen arabera egingo da:

DIRU-PROPOSAMENA

Lehiatzailearen datuak:

Izen-abizenak ..............................................................................................……….

Helbidea .....................................................................................................………

Posta kodea …………, NAN, .................................., Telefonoa .............................

Ordezkariaren datuak (ordezkaririk egonez gero):

Izen-abizenak ..............................................................................................……….

Helbidea .....................................................................................................………

Posta kodea …………, NAN edo IFK, ......................, Telefonoa .............................

.......................................... kontratatzeko asmoz ................k dei egindako enkantearen berri izan dudala, hona hemen nire

ADIERAZPENA

1) Hitz ematen dut kontratua honako prezio honetan burutuko dudala: ................... €, Balio Erantsiaren gaineko Zerga (BEZ) barne. Prezio horren %......., hau da, .................. €, BEZari dagokio. Prezioaren barruan gai guztiak sartzen dira: zergak, gastuak eta zergen arloko edozein tasa edo ariel, bai eta esleipendunaren industri onura ere. Kontratua burutzeko epea honakoa izango da: ..................................................................................................

2) Proiektua ezagutzen dut bere edukiarekin, bai eta kontratu hau arautu behar duten administrazio-baldintza zehatzen agiria eta gainontzeko agiriak ere. Horiek horrela, neure gain hartu eta ontzat hartzen ditut oso-osorik.

3) Ordezkatzen dudan enpresak, ireki, instalatu eta jarduteko indarrean dagoen araudiak eskatzen dituen baldintza guztiak betetzen ditu.

..................................., 20....(e)ko ....................................aren ....(a)

Izenpea

Jatorrizko agiriak edo kopiak aurkez daitezke. Kopiak aurkeztekotan, aurretik Administrazioak edo notarioak behar bezala kautotu edo egiaztatu behar ditu.

Enkantearen izaera dela eta, ezin izango da aldaketarik sartu proposamenetan.

19. AGIRIAK SAILKATZEA, ENPRESAK AUKERATZEA ETA PROPOSAMENAK IREKITZEA

Proposamenak aurkezteko epea amaitu eta gero, Mahaiak epe eta modu egokian jasotako dokumentazioa (“A” kartazala) sailkatu egingo du. Horretarako, Herri Administrazioen Kontratuei buruzko Legearen Araudi Orokorreko 81. artikuluan eta hurrengoetan adierazten den eran jardungo du.

Ildo horretan, lehiatzaileei beren gaitasun eta kaudimenari buruzko argibide eta agiri gehiago eskatu ahal izango dizkie, eta lehiatzaileek egutegiko bost eguneko epean eman beharko dizkiote, Araudiaren 22. artikuluan xedatuta dagoenez. Mahaiak interesdunei ahoz eskatu behar dizkie argibide eta agiri osagarri horiek, eta gainera eskaera idatzia jarri behar du kontratazio-organoaren iragarki oholean. Era berean, lehiatzaileek aurkeztutako agirietan zuzentzeko moduko akatsak agertzen badira, Mahaiak ahoz eta iragarki bidez emango die horren berri lehiatzaileei, eta hiru egun balioduneko epea jarriko die akatsak zuzen ditzaten.

Behin agiriak sailkaturik, eta akats eta hutsuneak zuzendu eta gero, halakorik badago, agiri honen 18. baldintzan azaltzen diren irizpideak zein enpresak betetzen dituzten zehaztuko du Mahaiak, eta berariaz adieraziko du zein enpresa onartu dituen lehiaketarako, zein baztertu dituen eta zergatik baztertu dituen.

Aurkeztutako eskaintzak (“B” kartazala) jendaurrean irekiko dira proposamenak aurkezteko epea amaitu eta laugarren egun baliodunean, 12:00-etan, postaz bidalitako kasuetan izan ezik. Kasu horietan, Herri Administrazioen Kontratuei buruzko Legearen Araudi Orokorrean xedatutakoa beteko da.

Ondoren, eta egoki diren txosten teknikoak egin eta gero, Kontratazio Mahaiak esleipen-proposamena aurkeztuko dio esleipena egin behar duen kontratazio-organoari.

20. ESLEIPENA, FORMALIZAZIOA ETA GASTUAK

Esleipena, gehienez, hogei eguneko epean egingo da, diru-proposamenak ireki eta biharamunetik kontatzen hasita, eskaintzetan neurriz gaineko edo ausarkeriazko beherakadak izan ezik; horrelakoetan, epea berrogei egunekoa izango da. Esleipena egin aurretik, esleipena hartzeko proposatuta dagoen lehiatzaileak egiaztagiriak aurkeztu beharko ditu zerga-betebeharrak eta Gizarte Segurantzarekikoak beterik dituela frogatzeko, baldin eta ez baditu agiri horiek proposamenarekin batera aurkeztu. Bost egun balioduneko epea izango du hori egiteko, jakinarazpen egokia jaso eta biharamunetik hasita.

Preziorik baxuena eskaintzen duen lehiatzaileari emango dio esleipena kontratazio-organoak, Herri Administrazioen Kontratuei buruzko Legearen Testu Bateginaren 83. artikuluan azaldutako salbuespenak izan ezik. Eskaintza ausartegiak aurkezten diren kasuetarako dira salbuespen horiek, eta inork halako eskaintzarik egin duen jakiteko, Herri Administrazioen Kontratuei buruzko Legearen Araudi Orokorraren 85. artikuluan eta hurrengoetan xedatutakoa hartuko da kontuan.

Beherakadak neurriz gainekotzat edo ausartegitzat jo baino lehen, beharrezkoa izango da uste horren menpe dauden lehiatzaile guztiei informazioa eskatzea eta egoki den zerbitzuak aholku teknikoa ematea, eta ondorio horietarako ez dira kontuan hartuko talde bereko sozietateek bakarka aurkezten dituzten proposamen guztiak, aurrean aipatutako testu bateginaren 83.3 artikuluan ezarritakoaren arabera.

Kasu horretan, kontratazio-organoak, aipatutako txostenak ikusita, preziorik baxuena eskaintzen duen proposamenari emango dio esleipena, Administrazioaren gustura betetzea baldin badauka. Horren ezean, ausarkeriarik gabeko proposamen onena egin duenari emango zaio esleipena.

Kontratazio-organoak egingo duen esleipenaren bitartez, kontratuak indar juridikoa hartuko du.

Esleipenaren berri emango zaio esleipendunari eta honek, egutegiko hamabost eguneko epean, jakinarazpena jaso eta biharamunetik kontatzen hasita, honako hauek egin beharko ditu:

a) Behin betiko bermea eta, egoki bada, berme osagarria jarri.

b) Jendaurreko zabalkunde ofizialean gastuak egin badira, aldizkari ofizial eta argitaraldi bakar bateko gastuak ordaindu. Gastu horien zenbatekoa 900 € izango da, gehienez.

c) Administrazio honen bulegoetara etorri, proiektuaren zuinketa egiaztatzeko eta zuinketa-akta izenpetzeko.

d) Azkenik, administrazio honen bulegoetara etorri, kontratua administrazio-agiri gisa formalizatzeko.

Esleipendunaren erruagatik kontratua formalizatu gabe geratzen bada, Administrazioak bertan behera utzi ahal izango du kontratua, interesduna entzun eta gero, eta kalte-galerak ordainduko dira.

III.- IZAERA, ERREGIMEN JURIDIKOA ETA JURISDIKZIO ESKUDUNA

21. IZAERA ETA ERREGIMEN JURIDIKOA

Baldintza-agiri honen arabera egin behar den kontratua administrazio-mailakoa izango da, eta kontratuan bertan zehazten ez den guztiari dagokionez, bereziki, Herri Administrazioen Kontratuei buruzko Legearen Testu Bateginak, ekainaren 16ko 2/2000 Legegintzako Errege Dekretuaren bidez onetsiak, II. Liburuko I. Tituluan ezarritako arauak bete beharko dira. Horiez gainera, Herri Administrazioen Kontratuei buruzko Legearen Araudi Orokorrak, urriaren 12ko 1.098/2001 Errege Dekretuaren bidez onetsiak, ezarritako arauak ere bete beharko dira, eta bai herri administrazioen kontratazioan erabili beharreko gainerakoak ere.

Nolanahi ere, kontratazioa xedapen politikoen eta egintza komunitarioen menpe egin beharko da, besteak beste, konkurrentziaren arauei, kontratazio publikoari, ingurunearen babes eta hobekuntzari, desberdintasunak ezabatzeari eta gizonen eta emakumeen arteko berdintasuna sustatzeari dagozkienen menpe, 1999ko ekainaren 21eko Kontseiluaren 1260/1999 EEren Arautegiko 12. artikuluan finkatutakoaren arabera, haren bidez finkatzen baitira Fondo estrukturalei buruzko xedapen orokorrak.

Bestalde, informazioari eta publizitateari buruzko xedapenei lotu beharko zaie, aipaturiko 1260/1999 EEren Arautegiko 46. artikuluan finkatutakoarekin bat etorriz eta 2000ko maiatzaren 30eko Batzordearen 1159/2000 EEren Arautegiaren Eranskinean jasotako arauen ildotik, alegia, Estatu partaideek Fondo Estrukturalen eskuhartzeei dagokienez burutara eraman beharreko jarduerei buruzko arauak.

Administrazio-baldintza zehatzen agiri honen eta espedientearekin batera doan dokumentazio teknikoaren artean kontraesanak izanez gero, agiri honetan zehaztutakoa nagusituko da.