Udako oporrak gainean ditugula eta, azken urteotan etxeetan izan diren lapurretak gehitzen ari direla ikusirik, udaltzaingoak aholku batzuk eman ditu , ekintza horiek ahal den neurrian galerazteko.
Telefono interesgarriak:
Udaltzaingoa: 943.524003
SOS deiak: 112
AHOLKUAK - Saltzaileei ez utzi etxe barrura sartzen, dagokien udal-baimena eskatu eta ahalik eta azkarren bukatu.
- Inkestagileei dagokien dokumentazioa eskatu, bai eta beren NAN eta inkesta egin ahal izateko duten agiri edo karneta.
- Zarata arrarorik ikusi edo entzuten baduzu, adierazi lehenbailehen Udaltzaingoari.
- Oporretan kanpora joateko asmoa baduzu, buzoiko eta etxeko giltzak konfidantzako norbaiti utzi, buzoiko korrespondentzia jaso eta etxebizitzari gainbegiratu bat eman diezaion (pertsianen eta argien egoera aldatzea komeni da)
- Ataria itxita eduki eta atezain automatikorik baduzu ez zabaldu zein den jakin arte. Susmoren bat izanez gero Udaltzaigoari adierazi.
