ESPEDIENTE KODEA 2007H0170002

ADMINISTRAZIO-BALDINTZA ZEHATZEN ETA XEDAPEN TEKNIKOEN AGIRIA KONSULTORETZA ETA LAGUNTZA TEKNIKOA LEHIAKETA IREKI BIDEZ KONTRATATZEA

LEZOKO PLANEAMENDUKO ARAU ORDEZKATZAILEEN BERRIKUSPEN LANAK ETA PLAN OROKORRAREN IDAZKETA. AIPATU DOKUMENTUA IZAPIDETZEN DEN BITARTEAN LEZOKO UDALAREN HIRIGINTZA AHOLKULARITZA

I. KONTRATUAREN EDUKIA

1. KONTRATUAREN GAIA

Agiri honetan oin harturik egingo den kontratuaren xede izango da Lezoko Planeamenduko Arau Subsidiarioen Berrikuspen Lanak, Plan Orokorraren idazketa eta aipatu dokumentuaren izapide administratiboak irauten duen bitartean Lezoko Udalaren Hirigintza Aholkularitza, espedientean dagoen eta kontratu balioa duen dokumentazio teknikoaren edukiarekin bat etorriaz.

Lezoko Udalak talde tekniko bat kontratatu nahi du Lezoko planeamendu orokorreko berrikuspen eta egokitzapen lanak aurrera eramatearren. Lan hau udal irizpideak jarraituz eta udal teknikarien zuzendaritzapean gauzatuko da

Kontratuaren xedea Lezoko Planeamenduko Arau Subsidiarioen Berrikuspen- Egokitzapenean Plan Orokor bat idaztean datza baita horren aurreko dokumentuen idazketan ere (Aurrerapena, Proposamenak e.a.) eta aipatu dokumentuaren izapidetzetik suerta daitekeen Testu Bateratua barne.

Esaterako:

1.1.- Hirigintza Diagnostiko bat egitea helburu horretarako beharrezkoa den aurretik bildu eta azterturiko hirigintza informazioan oinarrituz

1.2.- Plan Orokorraren aurrerapen dokumentua idaztea ingurumenaren gaineko eraginaren baterako ebaluazioa barne

1.3.- Haserako onarpenerako dokumentuaren idazketa

1.4.- Behin behineko onarpenerako beharrezkoak diren dokumentuen idazketa

1.5.- Beharko balitz, Testu Bateratuaren idazketa.

Dokumentu hauek, udalean aurkezten diren unean, indarrean dagoen legediak xedatzen dituen zehaztapen eta formaltasunak bete beharko dituzte.

Haserako eta behin behineko onarpenerako dokumentuaren testuaren dokumentazioak, gutxienez 2/2006 Lurzoru eta Hirigintza Legearen 61 eta 62 eta 63 artikuluek xedatzen dutena bete beharko dute.

Memoria

Antolamenduko Plan Orokorraren Memoriak finkatuko ditu lurralde antolamendua baldintzatuko duten informazio urbanistikoaren ondorioak, alternatiba posible desberdinak aztertuko ditu eta hautatutako eredua justifikatuko du, izaera orokorreko xehetasunak eta lurzoru molde eta kategoria desberdinei dagozkienak. Zehaztapen hauei buruz izango da:

1°.-Haren formazioaren komenigarritasuna eta egokiera justifikatzea.

2º.- Informazio urbanistikoa, behar diren azterlan osagarriekin batera, lurraldearen erabilpena baldintzatu edo erabaki dezaketen aspektu guztiak aztertu beharko dituztelarik eta, nolanahi ere, ondorengo hauek:

a) Aurrez indarrean dagoen Planeamendua, erregimen juridikoa zehaztuz eta erregimen iragankor aplikagarria finkatuz.

b) Planeamendu Urbanistikoaren Arau Subsidiarioen berritze prozesuan informazio publikoaren tramitearen emaitza. Tramite hori osorik egiteko Udalari entregatu beharko zaio, hari hala iruditzen bazaio, informazio-liburuxka egoki egiteko maketa.

c) Lurraldearen ezaugarri naturalak eta, era berean, geologikoak, topografikoak, klimatikoak eta beste.

d) Lurraldeak eskaini dezakeen aprobetxamendua, nekazaritza, basogintza eta beste ikuspegietatik.

e) Terrenoa zein erabilpenetara xedaturik dagoen: bertan dauden eraikinak eta azpiegiturak.

f) Hiritar erabilpenerako terrenoek duten gaitasun diferentea.

g) Antolamenduko Plan Orokorraren esparruan dauden baloreak seinalatzea: paisaiakoak, ekologikoak, hiritarrak, historikoak eta artistikoak.

h) Ondare historiko – artistikoaren eta natur guneak, mendiak, ubide publikoak eta molde horretako beste guztiak babesteko izaerako legeri espezifikoaren eragin posiblearen analisia Antolamenduko Plan Orokorraren esparruan dagoen lur orotan aplikagarri denean, eta era berean lurralde plangintzaren eremuan aplikagarri den heinean (PTP, e. a.)

i) Lurralde horretan finkatutako biztanleriaren ezaugarriak, haien baldintza ekonomiko eta sozialak eta beren eboluzioaren aurreikuspenak.

j) Hiri garapenean eragina izan dezaketen obra programatuak eta inbertsio publikoetarako politikak bereziki plangintza ekonomikoa eta soziala, eta era berean Estatuaren, Erkidego Autonomoaren edo Lurralde historikoaren Administrazioaren organoen beste edozein Plan edo proiektu planeamenduko gai den lurraldearekin zerikusia duenean.

3º.-Lurralde antolamenduaren helburuak eta irizpideak.

4°.- Begiratutako hautabide desberdinen azterketa eta analisi ponderatua.

5°.- Hautatutako garapen-ereduaren justifikazioa eta proposatutako antolamenduaren deskripzioa.

6°.- Eraikigarritasun ponderatu eta bataz bestekoaren erabakirako irizpideen hautaketarako erabilitako sistemaren justifikazio arrazoitua, exekuzio urbanistikoaren lurralde-esparruen mugaketa eta ponderazioaren koefizienteak.

Informazio planoak.

Antolamendu Plan Orokorraren informazio-planoak eskala egokian idatziko dira eta dagokien lurraldearen egoera azalduko dute haren ezaugarri naturalen eta Lurzoruaren erabileraren ildotik, Azpiegitura eta dauden Zerbitzuak haien egoera eta erabilpen maila zehaztuz eta eraikinak okupatzen duen zorua azalduz.

Era berean eskala egokian formulatu beharko dira hiritar lurzoruaren gaur egungo egoera zehatza azaltzeko behar diren planoak haren perimetroari eta urbanizazio-obren eta dauden eraikinen ezaugarriei dagokienez.

Gainera, tramitatzen ari diren Antolamendu Plan Orokorreko dokumentuei erantsi beharko zaizkie informazio publikorako ipinita egongo diren askotariko epeetan formulatutako iradokizun edo alegazioen ondorioz izango diren aldaketak Planaren berrikuntza fase desberdinetan zehar (Aurrerapena, Hasierako Onarpena, Behin-behinekoa eta Behin-betikoa) Korporazioari egoki iruditzen zaizkion heinean.

Antolamendu Planoak.

Antolamendu Plan Orokorreko antolamendu-planoak hauek izango dira:

A.- Bere esparruan hartzen duen lurralde osorako eta eskala egokian:

A.1.- Antolamendu Estrukturalaren planoak: zonifikazio globala, lurzoruaren klasifikazioa eta azpiegitura orokorren sareak.

A.2.- Antolamendu zehaztuaren Planoak: zonifikazio zehaztua

A.3.- Exekuzio urbanistikoaren Planoak.

A.4.- Elementu Katalogatuen Planoak.

Arau urbanistikoak

Arau Urbanistikoak diferentziatuko dira beren tratamendu orokorrean eta partikularrean eta molde eta kategoria desberdinetako lurzoruei aplikagarri zaien tratamendua.

Lurzoru hiritarrean Arau Urbanistikoek Eraikuntzaren Ordenantzaren eta Lurzoruaren Erabileraren izaera edukiko dute eta erabilpen zehaztuaren arautegi xehatua edukiko du, lurren eta eraikinen eraikigarritasuna eta baldintzak eta, halaber, antolamenduaren, eraikuntzaren eta haren inguruaren ezaugarri estetikoak, era berean jasoz obra lizentzia eskatzea, jarduera, antolamendu dokumentuak idaztea eta gestio urbanistikoa afektatzen duten arautegiak.

Lurzoru urbanizagarria, Planeamendu Urbanistikoko Arau urbanistikoak, arautzeaz gain, antolamendu planoetan finkatutako lurzoru-kalifikazioekin adostasunez, lurzoruaren eta eraikuntzaren erabilpen desberdinetarik bakoitzaren erregimen orokorra eta eskakizun minimoak, azpiegitura eta zerbitzuei dagokienez, egin beharreko garapen Plan desberdinak haiei egokitu behar zaizkielarik.

Lurzoru ez urbanizagarrian definitu eta karakterizatuko dira nekazal guneak (29. artikulua betetzeko) eta erabilpena, eraikigarritasuna eta lurren eta eraikinen baldintzak arautuko dira.

Udalerriko kultura eta natura intereseko ondarearen katalogoa.

Antolamenduaren Plan Orokorreko ebazpenen osagarria izango da eta Eusko Jaurlaritzak egindako deklarazio desberdinetara egokitu beharko da ondare kulturalaren babesari dagokionez Lezoko udalerrian.

Azterlan Ekonomiko finantzaria

Izaera orokorrez zehaztuko da planteatutako proposamen urbanistikoen kostu ekonomikoaren gutxi gorabeherakoa eta haren bideragarritasun finantzaria Plan Orokorraren iraupen aurreikuspenen mugapean.

Kontratuaren xedeari dagokion CPA-2002-ES nomenklaturaren kodifikazioa:

74.20.51 HIRIGINTZA PLANGINTZA ZERBITZUAK

2. KONTRATUA BURUTZEKO EPEA

Lanak burutzeko gehienezko epea urtebete eta sei hilabetekoa izango da, beti ere behin behineko onarpenerako dokumentuaren aurkezpenari buruz ari garelarik. Epe hau beste sei hilabetez luza daiteke, soilik, Testu Bateratua idazteko helburuarekin.

Lanak hasteko data 2008ko urtarrilaren 1ean erabakitzen da, 2009ko uztailaren 1eko gehieneko apean amaitu beharko delarik.

Era orientagarrian ondorengo epe hauek markatzen dira zatikako betekizunerako eta espezifikoki lan bakoitzerako:

Diagnostiko dokumentua entregatzeko: 2008ko otsailaren 15.

Aurrerapen dokumentua entregatzeko: 2008ko apirilaren 1a.

Hasierako onarpen dokumentua entregatzeko: 2008ko azaroaren 1a.

Behin-behineko onarpen dokumentua entregatzeko: 2009ko uztailaren 1a.

Testu bateratuaren idazketa derrigorrezkoa balitz, aurkezpena, talde idazleari behin betiko onarpenaren berri eman eta 6 hilabeteko epean egin beharko litzateke.

Epe horiek luzatu ahal izango dira kontratistak eta administrazioak elkarren artean adostasuna izanez gero, betiere justifikaturik eta arrazoiturik informazio publikoaren epeen emaitzen bidez, hiritarrei kontsulta bidez, edo udalaz gaineko erakundeen informeren bidez aurrez aurkeztutako dokumentuetan aldaketak suposatzen dituztenean eta beste antzeko arrazoiengatik.

Lanak epe horretan amaitzen ez badira, esleipendunak berandutzeagatiko erantzukizunei aurre egin beharko die, nahiz eta Administrazioak aurretik ez ohartarazi.

3. KONTRATUAREN PREZIOA

Kontratuaren prezioa 200.000 € izango da, BEZ barne. Lehiatzaileek diru-kopuru hori hobetu dezakete.

4. FINANTZATZEA

Kontratuaren prezioa ordaintzeko behar beste diru jarri beharko da aurtengo ekitaldiko aurrekontuan. Era berean, aurrekontu gaietan eskudun organoak konpromisoa hartzen du, eraginpean gertatzen diren etorkizuneko aurrekontuetan behar diren kredituak gordetzeko

5. NOLA ORDAINDU

Administrazioari kobrantza-agiri egokia aurkeztu eta berak onartu ondoren ordainduko da kontratuaren prezioa. Beti ere proiektuak Udal zerbitzuen ongi emana jaso ondoren.

- Kontratua izenpetzerakoan: Kontratuaren prezioaren %15a

- Aurrerapen Dokumentua: Kontratuaren prezioaren %25a Lezoko Hirigintza, Obrak eta Zerbitzuak Batzordearen ongi emana jaso ondoren

- Haserako Onarpenerako Dokumentua: Kontratuaren prezioaren %25a Lezoko Hirigintza, Obrak eta Zerbitzuak Batzordearen ongi emana jaso ondoren

- Behin behineko Dokumentua: Kontratuaren prezioaren %25a Lezoko Hirigintza, Obrak eta Zerbitzuak Batzordearen ongi emana jaso ondoren

- Gainontzeko %10a Gipuzkoako Foru Aldundiak Plan Orokorraren dokumentuari behin betiko onarpena ematen dionean ordainduko da.

6. PREZIOAK BERRAZTERTZEA

Kontratu honetan ez da bidezkoa prezioak berraztertzea, espedientean egiaztatzen denez.

7. BERMEAK

Kontratuaren esleipendunak, bere gain hartutako beharrak beteko dituela bermatzeko, behin betiko bermea jarri behar du. Berme horren zenbatekoa esleipen prezioaren %4 izango da.

Berme hori jartzeko epea egutegiko hamabost egunekoa izango da, kontratuaren esleipena jakinarazi eta biharamunetik hasita. Bermea jartzeko bidea, berriz, Herri Administrazioen Kontratuei buruzko Legearen Testu Bateratuaren 35.1 artikuluan azaltzen direnetatik edozein izan daiteke.

Berme-epea amaitzen denean, esleipendunari bermea itzuliko zaio, osorik edo, bidezkoa bada, zati batean, baldin eta kontratuko betebehar guztiak beterik badaude. Itzulketa hori goian aipatutako testu bateratuaren 47. artikuluan xedatutakoarekin bat etorriz egingo da.

8. KONTRATUA BURUTZEA

Kontratua esleipendunaren gain eta kontura burutuko da.

Zerbitzuak egiterakoan, agiri honetan dauden baldintzak bete beharko dira, bai eta espedienteari erantsitako xehetasun teknikoak ere, halakorik egonez gero. Kontratua Administrazioaren zuzendaritza, ikuskapen eta kontrolaren pean burutuko da, eta Administrazioak idatziz nahiz ahoz erabili ahal izango ditu ahalmen horiek.

Esleipendunari edo haren agindupekoei egotz dakiekeen egite edo ez-egiteren baten ondorioz, Administrazioak uste izaten badu kontratua behar bezala burutzea kolokan dagoela, kontratua behar bezala burutu dadin beharrezkotzat jotzen dituen neurriak har daitezela agindu ahal izango du.

Esleipendunaren betebeharrak:

Adjudikatzedunaren betebeharrak.

1.‑ Adjudikatzedunak ondorengo pertsonal hau atxiki beharko du, gutxienez, lanetarako:

- Hirigintzan aditua den arkitekto bat, lanaren arduradun

- Teknikari eskudun bat Ingurumenaren gaineko eraginari buruzko ebaluazio-azterketa idazteko

- Abokatu urbanista bat

- Bide Kanal eta Portuetako Injineru bat1

-

Kontratu honen xede diren lanetan enplegatutako pertsonalari dagokionez, beharturik egongo da Lan eta Gizarte Legerian indarrean dauden xedapenak, eta era berean lanak dirauen bitartean promulgatzen direnak, betetzera.

2.‑ Adjudikatzedunak Udalari aditzera eman behar dio, hamabost egunetako epearen barruan, gertatu ahal izan diren ezgaitasunen eta bateraezintasunen berri.

3.- Kontratuaren zatikako epeen betetzea zehaztuko den lan egitarau bat aurkeztu beharko du. Esleipendunak aurkezturiko lan egitaraua udalak onartu ondoren kontratu agiria izango da ondorio guztietarako.

Administrazioak lan egitaraua aurkeztu eta ondorengo 30 eguneko epean onartu edo dagozkion aldaketak ezarriko dizkio.

4- Aurrerapenean eta hasierako onarpenaren ondorengo faseetan alegazioei eta erreklamazioei erantzutea adjudikatzedunari egokituko zaio.

5.- Adjudikatzedunak Udalari eman beharko dio lanen garapeneko egoera progresiboaren berri, Hirigintzako Departamentuko teknikariekin etengabe harremanetan mantenduz.

6.- Adjudikatzeduna beharturik dago interesatuek formulatutako molde orotako erreklamazio eta eskaera urbanistikoei buruzko informeak egitera, lehiaketaren gaia den Plan Orokorraren informazio publikorako epean, halaber informatuko du Udalak hala errekeriturik, lehiaketaren gaia den lanari dagokionez planteatuko zaizkion arazoen eta zalantzen argibidetarako.

7.- Adjudikatzeduna beharturik egongo da interesatuek jar ditzaketen errekurtso administratiboetan informatzera, eta aipaturiko errekurtso horien ebazpenaren ondorioz beharrezkoak gerta daitezkeen aldaketa, zuzenketa edota okerren moldaketa guztiak egitera.

Aurreko pasarteetan aipatutako txostenak, noski, udal zerbitzuek egin ditzaketen edo egin behar dituzten informeak alde batera utzi gabe izango dira.

8.- Adjudikatzedunak errespetatu beharra dauka Izaera Pertsonaleko Datuen Babeserako Lege Organikoak xedatzen duena, eta Udal honetan eskuratzen dituen datuak ezin erabili izango ditu kontratu honen xedeko Proiektuak garatzeko beste helburutarako.

9.- Adjudikatzedunak zuzendu egin beharko ditu Plan Orokorraren dokumentazio grafikoan nahiz literarioan hautemango diren akats materialak, bai espedientearen tramitazio denboran baita garantia denboran ere.

10.- Adjudikatzedunak Plan Orokorraren dokumentuak jaso beharko ditu Korporazioak erabaki dituen aldaketen ondorioz egokitzat jotzen diren dokumentu berri guztiak, dokumentuaren bideratze-faseetan barrena (Aurrerapena, Hasierako Onarpena, Behin-behinekoa eta Behin-betikoa) informazio publikorako epeetan aurkeztutako iradokizunak edota alegazioak onartu izanaren ondoriozkoak.

11.- Erakunde Ofizial edo partikularretatik baimenak, lizentziak, dokumentuak edo edozein informazio lortzea, adjudikatzedunak berak egin beharko du eta bere kontura eta kargura izango da.

12.- Lortu nahi diren helburuak betetzeko beharrezkoak diren eta udalak eskaturiko lan, bilera, elkarrizketa, erakusketa guztietan egon beharko du talde idazleak, baita eskaturiko txostenak idaztea ordainketa gehiagorako eskubiderik gabe. Aurrerapen eta Haserako onarpenerako dokumentuen gutxienez jendaurreko aurkezpen bana egin beharko da horretarako premiazkoak diren plano, maketa, euskarri e.a talde idazleak egin beharko dituelarik.

13.- Adjudikatzedunak mantendu beharko du proposamenean seinalaturiko ekipo teknikoa, eta pertsonal hori ezin izango du aldatu Udalaren baiespenik gabe.

14.- Gainera, adjudikatzedunak Udalari entregatu beharko dio dokumentuetariko bakoitzaren zortzi ale (Plan Orokorraren eta Ingurumenaren gaineko ebaluazio bateratuaren ebaluazio-azterketa), bakoitza bere karpetan, eta halaber dokumentazio originala euskarri informatikoan (Ofice azken bertsioan eta planoak Autocad-ekin bateragarri diren artxibotan). Testu Bateratuaren dokumentazioa, beharrezkoa balitz, kondizio beretan aurkeztuko da, ekipoak behar bezala karpetan sarturik entregatu behar duena bezala.

Baldin eta Korporazioari beharrezkoa irudituko balitzaio ale gehiago editatzea, edota Erkide Autonomoko beste hizkuntza ofizialera dokumentuak itzuli eta editatzea, dokumentu horien itzulpen eta edizio kostuak esleipendunaren kontu eta kargura izango dira.

Korporazioari ale gehiago argitaratzea komenigarri irudituko balitzaio, dokumentu horien edizioaren gastuak Korporazioaren kontura izango lirateke.

15.- Behar bezala bisaturiko dokumentuak Lezoko Udaleko informazio-bulegoan entregatu beharko dira.

16.- Planaren izapidean sor litezkeen aldaketetara egokituko da Ingurumenaren gaineko eraginari buruzko ebaluazio-azterketa

17.- Hirigintza aholkularitzari dagokionean, hau derrigorrez udal zerbitzu teknikoen bulegoetan burutu beharko da, gutxienez, asteko bi lanegunetan 6 orduz jarraian, Plan Orokorraren Arkitekto zuzendaria izango da funtzio hau zuzenean bete behar duena beste arkitektorengan ezingo duelarik hirigintza aholkularitza lan hau delegatu.

9. ESLEIPENDUNAREN LAN-EGINKIZUNAK

Esleipendunak lanaren, Gizarte Segurantzaren eta laneko segurtasun eta higienearen arloan indarrean dauden legezko xedapenak bete behar ditu. Administrazioak ez du inolako erantzukizunik izango xedapen horiek betetzen ez badira.